#អាមេរិកគ្រោងដាក់ទណ្ឌកម្មបន្ថែមទៀតលើរបបយោធាមីយ៉ាន់ម៉ា

មន្ត្រីជាន់ខ្ពស់ក្រសួងការបរទេសអាមេរិកបាននិយាយនៅថ្ងៃពុធទី២២មីនានេះថា សហរដ្ឋអាមេរិកនឹងប្រកាសដាក់ទណ្ឌកម្មបន្ថែមទៀតប្រឆាំងនឹងស្ថាប័នរដ្ឋមួយចំនួននៅក្នុងប្រទេសមីយ៉ាន់ម៉ានៅប៉ុន្មានថ្ងៃខាងមុខទៀតនេះ។ ការទម្លាក់ដាក់ទណ្ឌកម្មកាន់តែកាន់តែច្រើនទៅលើប្រទេសអាស៊ានមួយនេះ នៅចំពេលដែលវឌ្ឍនភាពនៃការដោះស្រាយវិបត្តិនៅមីយ៉ាន់ម៉ា ហាក់នៅទ្រឹង មិនទាន់មានពន្លឺច្រកចេញបាននៅឡើយទេ។ នេះបើតាមការចេញផ្សាយរបស់សារព័ត៌មានរ៉យទ័រ។