គោលដៅទេសចរណ៍ចំនួន២០ក្នុងខេត្តចំនួន៧ ត្រូវបានសិក្សារួចរាល់ហើយសម្រាប់សាងសង់អង់តែនសេវាទូរសព្ទ
ដោយ
ក្រុមការងារអន្តរក្រសួងរួមទាំងប្របត្តិករផ្តល់សេវាទូរគមនាគមន៍ កំពុងចុះសិក្សាពីគុណភាពសេវាទូរគមនាគមន៍នៅតាមតំបន់គោលដៅទេសចរណ៍អាទិភាពនានា ដើម្បីកំណត់ទីតាំងក្នុងការសាងសង់បង្គោលអង់តែនទូរសព្ទ ដែលជាផែនការជួយជំរុញ និងអភិវឌ្ឍវិស័យទេសចរណ៍។ បើតាមការគូសបញ្ជាក់របស់មន្ត្រីជាន់ខ្ពស់នៃក្រសួងទេសចរណ៍មកទល់ពេលនេះ មានគោលដៅទេសចរណ៍ចំនួន២០ក្នុងខេត្តចំនួន៧ត្រូវបានកំណត់ទីតាំងក្នុងសាងសង់បង្គោលអង់តែនរួចហើយ និងគ្រោងដំឡើងក្នុងពេលឆាប់ៗខាងមុខនេះ។