កូវីដ-១៩ លុកលុយកាន់តែខ្លាំងនៅឥណ្ឌូនេស៊ី ខណៈអាជ្ញាធរដាក់ការរឹតត្បិតបន្ថែម
ដោយ
អាជ្ញាធរឥណ្ឌូនេស៊ីចាប់ផ្តើមរឹតបន្ដឹងបន្ថែមទៀត នូវវិធានការសុវត្ថិភាពនៅលើកោះសំខាន់ៗរបស់ខ្លួនចំនួនពីរ គឹកោះបាលី និង កោះជ្វា ដែលជាកោះមានសក្តានុពលទេសចរណ៍និងមានពលរដ្ឋរស់នៅច្រើនជាងគេ។ ការរឹតបន្ដឹងនេះធ្វើឡើងដើម្បីទប់ទល់នឹងរលកឆ្លងទី២នៃកូវីដ-១៩ ក្នុងប្រទេសឥណ្ឌូនេស៊ីដែលកំពុងតែបោកបក់ខ្លាំង និងបានឆក់យកអាយុជីវិតពលរដ្ឋឥណ្ឌូនេស៊ីជាច្រើន ហើយបច្ចុប្បន្ន ប្រទេសឥណ្ឌូនេស៊ីនេះ ក៏ឈរលំដាប់ជួរមុខគេដែរ ដែលមានករណីឆ្លងកូវីដ-១៩ច្រើនបំផុត ធៀបនឹងប្រទេសផ្សេងទៀតនៅអាស៊ាន។ នេះបើតាមការចុះផ្សាយដោយសារព័ត៌មាន Nikkei។