#អន្តរជាតិ

ក្រោយពីរុស្ស៊ីបានដកកងទ័ពចេញអស់ពីតំបន់ក្បែររដ្ឋធានីកៀវ កាលពីចុងសប្តាហ៍មុននេះ, សហគមន៍អន្តរជាតិ និងប្រទេសមហាអំណាចជាច្រើន បានចេញមកថ្កោសទោសអំពើឃោរឃៅរបស់រុស្ស៊ី ដែលបានសម្លាប់ជីវិតជនស៊ីវិលអស់ជាច្រើនអំឡុងពេលដែលខ្លួននៅកាន់កាប់ទឹកដីរបស់អ៊ុយក្រែន។ សហគមន៍អន្តរជាតិ កើតទុក្ខមិនសុខចិត្តឡើយ ហើយចោទប្រកាន់រុស្ស៊ីថា បានប្រព្រឹត្តិអំពើប្រល័យពូជសាសន៍ ព្រមទាំងទាមទារឲ្យតុលាការព្រហ្មទណ្ឌអន្តរជាតិកាត់ទោសទីក្រុងម៉ូស្កូលើរឿងនេះថែមទៀត។