#អតិផរណានៅកម្ពុជា

ធនាគារជាតិនៃកម្ពុជា បានព្យាករពីអត្រាអតិផរណារបស់កម្ពុជា ថានឹងអាចថយចុះទាបជាង៥% នៅឆមាសទី២ ក្នុងឆ្នាំ២០២២ ដោយផ្អែកទៅលើការងើបឡើងវិញនៃសេដ្ឋកិច្ចកម្ពុជា បន្ទាប់ពីរងផលប៉ះពាល់ដោយសារវិបត្តិកូវីដ១៩។ ការព្យាករនេះបានធ្វើឡើងនាឱកាសឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា ទទួលជួបជាមួយប្រធានមូលនិធិរូបិយវត្ថុអន្តរជាតិ (IMF) នៅថ្ងៃទី៧ ខែកញ្ញា ឆ្នាំ២០២២។ ក៏ប៉ុន្តែ ក្រុមអ្នកជំនាញផ្នែកសេដ្ឋកិច្ច បានយល់ឃើញថា កម្រិតអត្រាអតិផរណាក្នុងរង្វង់៥% នៅតែមានកម្រិតខ្ពស់សម្រាប់ប្រទេសដែលកំពុងអភិវឌ្ឍន៍។