#អ៊ុយក្រែនស្នើសុំរថក្រោះធន់ធ្ងន់ពីសម្ព័ន្ធមិត្ត

ចូលឆ្នាំ២០២៣ កៀកនឹងគម្រប់១ឆ្នាំដែរហើយ ប៉ុន្តែស្ថានការណ៍សង្គ្រាមនៅអ៊ុយក្រែនមិនបានថមថយឡើយ ពិសេសមានការវាយប្រយុទ្ធគ្នាទៅមកមិនដាច់ទេនៅតាមសមរភូមិជួរមុខ ដូចមាននៅភាគខាងកើតអ៊ុយក្រែនជាដើម។ លោកខាងលិចដែលជាសម្ព័ន្ធមិត្ត បាននិងកំពុងផ្តើមផ្គត់ផ្គង់រថក្រោះដែកប្រយុទ្ធដល់អ៊ុយក្រែនបន្ថែម ប៉ុន្តែមិនមែនជារថក្រោះធន់ធ្ងន់ដែលទីក្រុងកៀវចង់បានដើម្បីប្រយុទ្ធជាមួយរុស្ស៊ីឡើយ។