#រាជធានីភ្នំពេញ-សៀមរាប-ប៉ោយប៉ែត

រាជរដ្ឋាភិបាលកម្ពុជាបានបង្កើតគណៈកម្មការអន្តរក្រសួងដែលមានសភាពជាង២០នាក់ ដើម្បីជំរុញដំណើរការអនុវត្តគម្រោងហេដ្ឋារចនាសម្ព័ន្ធផ្លូវល្បឿនលឿនភ្នំពេញ-សៀមរាប ដែលជាគម្រោងផ្លូវល្បឿនលឿនទីបីរបស់កម្ពុជា។ គណៈកម្មការអន្តរក្រសួង ដែលដឹកនាំដោយថ្នាក់ដឹកនាំក្រសួងសាធារណការ និងដឹកជញ្ជូននេះមានភារកិច្ចត្រួតពិនិត្យ ផ្តល់យោបល់លើក្របខណ្ឌច្បាប់ រូបភាពនៃការវិនិយោគលើគម្រោង និងជំរុញដំណើរការអនុវត្តគម្រោងហេដ្ឋារចនាសម្ព័ន្ធនេះឲ្យសម្រេចជាស្ថាពរ។