#រដ្ឋមន្ត្រីការបរទេសអាស៊ាន

សារព័ត៌មាន Kyodo របស់ជប៉ុន បានចុះផ្សាយកាលពីពេលថ្មីៗនេះថា ភាគីកម្ពុជាបានអញ្ជើញ រដ្ឋមន្ត្រីការបរទេសរុស្ស៊ី លោក Sergey Lavrov ឱ្យមកចូលរួមកិច្ចប្រជុំថ្នាក់រដ្ឋមន្ត្រីអាស៊ាន និងកិច្ចប្រជុំពាក់ព័ន្ធផ្សេងទៀត ដែលគ្រោងធ្វើឡើងនៅដើមខែសីហាឆ្នាំ២០២២នេះ។ ប្រភពព័ត៌មានដដែលបន្តថា ការសម្រេចចិត្តនេះទំនងជាបង្កឱ្យមានការព្រួយបារម្ភក្នុងចំណោមសហគមន៍អន្តរជាតិ ដែលបានបង្កឱ្យការខ្វែងគំនិតគ្នាជាមួយនឹងវត្តមានរបស់រុស្ស៊ីក្នុងកិច្ចប្រជុំនានា ការឆ្លើយតបចំពោះការលុកលុយរបស់ទីក្រុងមូស្គូមកលើអ៊ុយក្រែន។