សម្តេច ហ៊ុន សែន អំពាវនាវគ្រប់ភាគីពាក់ព័ន្ធរួមគ្នាប្រយុទ្ធប្រឆាំង កុំឲ្យកម្ពុជាក្លាយជាកន្លែងឧក្រិដ្ឋកម្ម លាងលុយ និងជួញដូរមនុស្ស
ដោយ
ប្រមុខរាជរដ្ឋាភិបាលកម្ពុជា បានអំពាវនាវដល់គ្រប់ភាគីពាក់ព័ន្ធទាំងអស់ រួមគ្នាប្រយុទ្ធប្រឆាំងដាច់ខាតនឹងទង្វើទុច្ចរិតឲ្យបានព្រមៗគ្នា ដើម្បីកុំឲ្យកម្ពុជាក្លាយជាកន្លែងឧក្រិដ្ឋកម្ម កន្លែងលាងលុយ កន្លែងជួញដូរមនុស្ស និងប្រព្រឹត្តបទល្មើសផ្សេងៗ។ ការអំពាវនាវរបស់សម្ដេច ហ៊ុន សែន នាយករដ្ឋមន្ត្រីនៃកម្ពុជា បានធ្វើឡើង បន្ទាប់ពីសម្ដេចបានកត់សម្គាល់ឃើញថា សព្វថ្ងៃនេះ នៅកម្ពុជា មានការកើនឡើងគួរឲ្យកត់សម្គាល់នូវល្បែងស៊ីសង និងអំពើទុច្ចរិត នៅតាមមូលដ្ឋាន ដែលប៉ះពាល់ខ្លាំងដល់សង្គម និងសេដ្ឋកិច្ចកម្ពុជា។