#រុស្ស៊ី និងអ៊ុយក្រែនយល់ព្រមទទួលបេសកជនអាហ្វ្រិក

ប្រធានាធិបតីអាហ្វ្រិកខាងត្បូង លោក ស៊ីរីល រ៉ាម៉ាហ្វូសា បាននិយាយកាលពីថ្ងៃអង្គារថា ប្រធានាធិបតីរុស្ស៊ី លោក វ្ល៉ាឌីមៀ ពូទីន និងប្រធានាធិបតីអ៊ុយក្រែន លោក វ្ល៉ូឌីមៀ ហ្សេណេនស្គី បានយល់ព្រមទទួលជួបក្រុមបេសកជនអាហ្វ្រិក ដើម្បីពិភាក្សាអំពីផែនការសន្តិភាពហើយ។ បេសកកម្មរបស់ក្រុមប្រទេសអាហ្វ្រិកក្នុងការសម្របសម្រួលរកដំណោះស្រាយចំពោះសង្គ្រាមរុស្ស៊ីនៅអ៊ុយក្រែនជាគំនិតផ្ដួចផ្ដើមថ្មីមួយទៀត បន្ទាប់ពីប្រទេសចិន។ នេះបើតាមការចុះផ្សាយដោយសារព័ត៌មានរ៉យទ័រ និងទីភ្នាក់ងារសារព័ត៌មានអេភី។