#រុស្ស៊ី - អ៊ុយក្រែន

បើយោងតាមប្រភពពីមន្ត្រីអាមេរិកដែលជិតស្និទនឹងបញ្ហាឱ្យដឹងថា រដ្ឋបាលលោកចូ បៃដិន បានចេញមុខរករឿងរដ្ឋាភិបាលទីក្រុងប៉េកាំងសាជាថ្មី ដោយសម្អាងលើភស្តុតាងរបស់ខ្លួន ដែលរកឃើញថា ក្រុមហ៊ុនគ្រប់គ្រងដោយរដ្ឋចិនមួយចំនួនធំ នៅតែបន្តផ្តល់ជំនួយផ្សេងៗទៅឱ្យរុស្ស៊ីក្នុងការធ្វើសង្គ្រាមនៅអ៊ុយក្រែន។ ការចោទប្រកាន់ធ្វើឡើងស្របពេលដែលទីក្រុងវ៉ាស៊ីនតោន និងសម្ព័ន្ធមិត្តលោកខាងលិចពិសេសសហភាពអឺរ៉ុបបាននិងកំពុងព្យាយាមទម្លាក់ទណ្ឌកម្មថ្មីលើវិមានក្រឹមឡាំង។ នេះបើតាមការចុះផ្សាយដោយសារព័ត៌មាន Bloomberg។