#រូបិយប័ណ្ណសហភាពអឺរ៉ុប

ប្រាក់អឺរ៉ូ ដែលជារូបិយប័ណ្ណរបស់សហភាពអឺរ៉ុប បានធ្លាក់ថ្លៃនៅថ្ងៃចន្ទ ទី១០ ខែមិថុនា នេះ ដោយសារទទួលរងសម្ពាធពីការធ្លាក់ថ្លៃភាគហ៊ុននៅទីផ្សារអាស៊ី និងស្ថានភាពមិនប្រាកដប្រជាផ្នែកនយោបាយនៅតំបន់អឺរ៉ុប ជាពិសេសការអំពាវនាវឱ្យមានការបោះឆ្នោតភ្លាមៗដោយឥតព្រៀងទុកនៅប្រទេសបារាំង ខណៈដែលបណ្ដាវិនិយោគិនបានទម្លាក់ចោលការរំពឹងទុកខ្ពស់របស់ពួកគេ ចំពោះការបញ្ចុះអត្រាការប្រាក់ពីសំណាក់ធនាគារកណ្ដាលអាម៉េរិក នៅឆ្នាំនេះ ដោយសារទីផ្សារការងារនៅសហរដ្ឋអាម៉េរិកនៅតែចង្អៀត។ នេះបើយោងតាមការចុះផ្សាយរបស់សារព័ត៌មានធំៗជាច្រើន។