តម្លៃប្រេងសាំងកម្ពុជា ទើបតែធ្លាក់ចុះបានប៉ុន្មានថ្ងៃ ស្រាប់តែទីផ្សារប្រេងឆៅពិភពលោកចាប់ផ្ដើមកើនឡើងវិញ
ដោយ
តម្លៃប្រេងឥន្ធនៈ កាលពីមួយរយៈកន្លងទៅនេះ បានឡើងថ្លៃខ្ពស់គួរឲ្យកត់សម្គាល់ ដែលកាលពីពាក់កណ្ដាលខែតុលាកន្លងទៅ មានតម្លៃជាង ៤ពាន់រៀលក្នុងមួយលីត្រ។ លុះមកដល់ ខែវិច្ឆិកា បានថយចុះមកនៅក្រោម ៤ ពាន់រៀលក្នុងមួយលីត្រ។ យ៉ាងណាមិញ ចូលមកដល់ខែធ្នូ ឆ្នាំនេះ តម្លៃប្រេងឥន្ធនៈ បានបន្តធ្លាក់ចុះខ្លាំងគួរឲ្យកត់សម្គាល់ ពោលគឺមានតម្លៃមកនៅត្រឹមតែ ៣.៥០០ រៀលប៉ុណ្ណោះ សម្រាប់សាំងធម្មតា ១លីត្រ។ នេះបើតាម សេចក្ដីប្រកាស របស់ក្រសួងពាណិជ្ជកម្មកម្ពុជា។