#សេចក្ដីព្រាងច្បាប់ស្ដីពីកម្រិតបំណុល

សភាសហរដ្ឋអាមេរិកបានអនុម័តសេចក្ដីព្រាងច្បាប់ព្យួរកម្រិតបំណុលចំនួន ៣១,៤ ទ្រីលានដុល្លារ របស់ប្រទេសនេះហើយកាលពីថ្ងៃទី ៣១ ឧសភា ដោយមានការគាំទ្រភាគច្រើនពីគណបក្សប្រជាធិបតេយ្យ និងពីគណបក្សសាធារណរដ្ឋ ដើម្បីជម្នះនឹងក្រុមប្រឆាំង ដែលដឹកនាំដោយពួកអភិរក្សនិយមតឹងរ៉ឹង និងដើម្បីបញ្ចៀសគ្រោះថ្នាក់បណ្ដាលមកពីអលទ្ធភាពសងបំណុល។ ច្បាប់នេះ នឹងត្រូវឆ្លងព្រឹទ្ធសភាសហរដ្ឋអាមេរិកជាបន្តទៀតនៅមុនចុងសប្ដាហ៍នេះ ប៉ុន្តែអាចមានការពន្យាពេល បើសិនមានសមាជិកព្រឹទ្ធសភាប្រឆាំង ហើយការប្រឆាំងនោះនឹងធ្វើឱ្យបញ្ហាកាន់តែស្មុគស្មាញ។