#សេដ្ឋកិច្ចពិភពលោក២០២៣

សេដ្ឋកិច្ចពិភពលោកនៅឆ្នាំ២០២៣នេះ ត្រូវបានស្ថានអន្តរជាតិធំៗ ព្យាករពីស្ថានភាពកាន់តែយ៉ាប់យ៉ឺនជាងឆ្នាំ២០២២ទៅទៀត។ យ៉ាងណាមិញ បើតាមការព្យាករថ្មីចុងក្រោយមួយរបស់ធនាគារពិភពលោក ដែលបានចេញផ្សាយនៅថ្ងៃទី ១០ ខែមករាឆ្នាំ២០២៣ បានគូបញ្ជាក់កាន់តែច្បាស់ជាងមុនថា ស្ថានភាពសេដ្ឋកិច្ចពិភពលោកនៅឆ្នាំ២០២៣ កំពុងស្ថិតនៅមាត់ជ្រោះនៃការធ្លាក់ចូលទៅក្នុងវិបត្តិមែនទែនហើយ។ តើអ្វីខ្លះដើមចមធំៗនឹងរុញសេដ្ឋកិច្ចពិភពលោកឲ្យធ្លាក់ចុះទៅក្នុងវិបត្តិនៅឆ្នាំនេះ?