#សេដ្ឋកិច្ចប្រទេសចិន

គិតត្រឹមឆ្នាំ២០២២ចំនួនប្រជាជនរបស់ប្រទេសចិនបានធ្លាក់ចុះជាលើកដំបូងក្នុងរយៈពេល៦ទសវត្សរ៍ចុងក្រោយនេះ ដែលវាជាការធ្លាក់ចុះជាប្រវត្តិសាស្ត្រ ដោយបានបង្ហាញយ៉ាងច្បាស់ថា អនាគតនៃប្រទេសយក្សសេដ្ឋកិច្ចមួយនេះទំនងជាមិនអាចសម្រេចបានក្តីសុបិនក្នុងការដណ្តើមយកកៅអីនៃប្រទេសសេដ្ឋកិច្ចលេខមួយពីដៃសហរដ្ឋអាមេរិកនោះទេ។ ចំណែកឯ ប្រទេសឥណ្ឌាវិញ ត្រូវបានគេព្យាករណ៍ថា នឹងអាចវ៉ាផុតចំនួនប្រជាជនចិន នៅក្នុងឆ្នាំ២០២៣នេះតែម្តង។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។