#សហភាពអឺរ៉ុប យល់ព្រមវិលចូលតុចរចាកិច្ចព្រមព្រៀងពាណិជ្ជកម្មទ្វេភាគីជាមួយថៃវ

ក្រោយពីប្រទេសថៃស្វិតស្វាញតាមចែចូវអស់រយៈពេលជាច្រើនឆ្នាំ នៅទីបំផុតសហភាពអឺរ៉ុប បានយល់ព្រមចាប់ដៃគ្នាជាមួយថៃវិលចូលតុចរចាពាណិជ្ជកម្មសេរីទ្វេភាគីជាមួយប្រទេសថៃវិញហើយ ក្រោយពីបានផ្អាកការចរចាអស់រយៈពេលជិត១០ឆ្នាំមកនេះ ពោលគឺនៅក្រោយពេលថៃមានរដ្ឋប្រហារយោធា។ យ៉ាងណាមិញ តាមផែនការភាគីទាំងពីរមានបំណងនឹងបញ្ចប់ការចរចាកិច្ចព្រមព្រៀងពាណិជ្ជកម្មនេះឲ្យបាននៅត្រឹមឆ្នាំ២០២៥ខាងមុខ។ នេះគឺជាកិច្ចព្រមព្រៀងពាណិជ្ជកម្មសេរីទ្វេភាគីទី៣ហើយ ដែលសហភាពអឺរ៉ុប នឹងធ្វើជាមួយនឹងប្រទេសនៅតំបន់អាស៊ី បន្ទាប់ពីសិង្ហបុរី និងវៀតណាម។