ការបើកដំណើរការអាកាសយានដ្ឋានសៀមរាបអង្គរ នឹងអាចយឺតជាងផែនការ ខណៈមន្ត្រីជំនាញ និងស្ថាប័នពាក់ព័ន្ធកំពុងពិនិត្យវាយតម្លៃ
ដោយ
មន្ត្រីជាន់ខ្ពស់រដ្ឋលេខាធិការដ្ឋានអាកាសចរណ៍ស៊ីវិលបានគូសបញ្ជាក់ថា មកទល់ពេលនេះការសាងសង់អាកាសយានដ្ឋានអន្តរជាតិសៀមរាបអង្គរតម្លៃប្រមាណ ៨៨០លានដុល្លារនោះ សម្រេចបានជាង៦០%ប៉ុណ្ណោះ យឺតជាងផែនការដែលបានគ្រោងទុកទៅទៀត។ ការយឺតយ៉ាវនេះ គឺដោយសារតែការរំខានពីការឆ្លងរាតត្បាតនៃជំងឺកូវីដ-១៩ ដែលធ្វើឲ្យរាំងស្ទះដល់ការដឹកជញ្ជូនសម្ភារបរិក្ខាមួយចំនួន និងការធ្វើដំណើររបស់អ្នកជំនាញការជនជាតិចិន។