#សង្គ្រាមពាក្យសម្ដី

សហរដ្ឋអាមេរិកនិងប្រទេសចិនត្រូវបានគេរំពឹងថានឹងប្រើប្រាស់កិច្ចប្រជុំកំពូលសន្តិសុខសម្រាប់អាស៊ីនៅក្នុងសប្តាហ៍នេះ ដើម្បីធ្វើជាកន្លែងតទល់សង្គ្រាមពាក្យសម្ដីជាមួយគ្នា ដែលអាចនឹងមានការជជែកវែកញ៉ែកលើបញ្ហារសើបៗជាច្រើន រាប់តាំងពីអធិបតេយ្យភាពរបស់កោះតៃវ៉ាន់ រហូតដល់វិបត្តិសង្រ្គាមនៅអ៊ុយក្រែន បើទោះបីជាភាគីទាំង២នេះបានបង្ហាញឆន្ទៈដើម្បីពិភាក្សាគ្នា ពាក់ព័ន្ធនឹងការខ្វែងគំនិត និងការដណ្ដើមឥទ្ធិពលគ្នាក៏ដោយ។ នេះបើតាមការរាយការណ៍ដោយទីភ្នាក់ងារព័ត៌មានរ៉យទ័រ។