#ស្បៀងអាហារអាស៊ាន

ប្រទេសឥណ្ឌូនេស៊ីចាប់ផ្ដើមនាំចេញផលិតផលសាច់មាន់របស់ខ្លួនទៅកាន់ប្រទេសសិង្ហបុរីជាលើកដំបូងនៅថ្ងៃពុធសប្ដាហ៍នេះហើយ នៅក្រោយពេលដែល ប្រទេសម៉ាឡេស៊ី ដែលជាអ្នកធ្លាប់ផ្គត់ផ្គង់សាច់មាន់ដ៏ធំមួយទៅឲ្យសិង្ហបុរីបានរាំងខ្ទប់ការនាំចេញផលិតផលសាច់មាន់របស់ខ្លួន។ ការរឹតត្បិតរបស់ម៉ាឡេស៊ីលើការនាំចេញសាច់មាន់ ក៏បានធ្វើឲ្យសិង្ហបុរីស្វះស្វែងខ្លាំងមែនទែន ក្នុងរកការផ្គត់ផ្គង់ដើម្បីការបំពេញតម្រូវការ ក៏ដូចជាទប់ស្កាត់ការឡើងថ្លៃសាច់មាន់នៅក្នុងស្រុកផងដែរ។ នេះបើតាមមន្ត្រីជាន់ខ្ពស់ម្នាក់នៅក្រសួងកសិកម្មឥណ្ឌូនេស៊ី។