#ស្តាវិស័យទេសចរណ៍

មន្ត្រីជាន់ខ្ពស់ក្រសួងទេសចរណ៍ និងអ្នកជំនាញបានចាត់ទុកការចូលរួមរត់របស់ភ្ញៀវទេសចរជាតិ និងអន្តរជាតិជាង៧ពាន់៥រយនាក់មកពី៦៩ប្រទេស ក្នុងព្រឹត្តិការណ៍ពាក់កណ្តាលម៉ារ៉ាតុនអន្តរជាតិអង្គរលើកទី២៧នៅបរិវេណអង្គរ ខេត្តសៀមរាបកាលពីពេលថ្មីៗ ជាជោគជ័យដ៏ធំធេងសម្រាប់កម្ពុជាក្នុងការផ្សព្វផ្សាយពីវិស័យទេសចរណ៍ដ៏ល្អឯករបស់ខ្លួនទៅកាន់ពិភពលោក។ ភាពជោគជ័យលើសការរំពឹងទុកនេះ ក៏ជាពន្លឺមួយដ៏ល្អសម្រាប់កម្ពុជាក្នុងការស្តារវិស័យទេសចរណ៍ និងសេដ្ឋកិច្ចក្រោយវិបត្តិជំងឺកូវីដ-១៩ ផងដែរ។