ភាពតានតឹងបានកើនកម្ដៅមុនការចរចារវាងអាម៉េរិក និងអ៊ីរ៉ង់ជុំទី១ ខណៈលំហូរប្រេងតាមច្រកហ័រម៉ូសនៅតែបន្តជាប់គាំង
ដោយ
បទឈប់បាញ់រយៈពេល២សប្តាហ៍ដ៏សែនផុយស្រួយរវាងសហរដ្ឋអាម៉េរិក និងអ៊ីរ៉ង់ កាន់តែមានភាពរកាំរកូសខ្លាំងឡើងនៅថ្ងៃទី១០ ខែមេសា នេះ មុនពេលភាគីទាំងពីរជួបចរចាគ្នានៅក្នុងប្រទេសប៉ាគីស្ថាន។ ទីក្រុងវ៉ាស៊ីនតោន បានចោទប្រកាន់ទីក្រុងតេអេរ៉ង់ ថា បានរំលោភសន្យាពាក់ព័ន្ធនឹងសេរីភាពនាវាចរតាមច្រកសមុទ្រហ័រម៉ូស ខណៈអ៊ីរ៉ង់វាយបកវិញថា ការដែលអ៊ីស្រាអែលបន្តវាយប្រហារលើលីបង់ ក៏ជាការរំលោភលើបទឈប់បាញ់ដូចគ្នាដែរ។