#ថៃនឹងបង្កើតច្រកផ្លូវទឹកថ្មី

រដ្ឋាភិបាលថៃ កំពុងបង្ហាញគម្រោងតភ្ជាប់ផ្លូវដឹកជញ្ជូនតាមផ្លូវទឹកតម្លៃរាប់ពាន់លានដុល្លារដល់វិនិយោគិនបរទេស ដែលជាច្រកទ្វារដឹកជញ្ជូនថ្មី និងចំណេញពេលវេលាដោយភ្ជាប់ពីមហាសមុទ្រឥណ្ឌាឆ្លងកាត់ឈូងសមុទ្រថៃ និងឆ្ពោះទៅមហាសមុទ្រប៉ាស៊ីហ្វិក។ គម្រោងនេះ គ្រោងបញ្ចប់ការសាងសង់នៅឆ្នាំ២០៣០ ហើយវានឹងជំនួសផ្លូវដឹកជញ្ជូនតាមច្រកសមុទ្រម៉ាឡាការបស់សឹង្ហបុរី ដែលជាផ្លូវទឹកដ៏មមាញឹកបំផុតរបស់ពិភពលោកនាពេលបច្ចុប្បន្ន។ នេះបើតាមការចុះផ្សាយដោយសារព័ត៌មានBloomberg។