#ដំណាំទំពាំងបារាំង

ដំណាំទំពាំងបារាំង គឺជាដំណាំបន្លែមួយប្រភេទ ដែលមានអាយុកាលវែង និងឆាប់ទទួលបានផល ខណៈដែលបច្ចុប្បន្ន តម្លៃក៏មានខ្ពស់ផងដែរ ប៉ុន្តែដំណាំបន្លែមួយប្រភេទហាក់មិនសូវមានអ្នកដាំដុះច្រើននោះទេ។ កសិករដាំទំពាំងបារាំងម្នាក់នៅខេត្តប៉ៃលិន ដែលបានដាំដំណាំនេះតាំងពីឆ្នាំ២០១៦មក បានជំរុញនិងលើទឹកចិត្តឱ្យប្រជាកសិករផ្សេងទៀតងាកមកដាំដុះដំណាំទំពាំងបារាំងនេះឱ្យបានច្រើន ពីព្រោះថាដំណាំនេះបច្ចុប្បន្នកំពុងមានទីផ្សារល្អ ងាយស្រួលលក់ ដ្បិតការដាំដុះដំណាំនេះក៏មិនត្រូវការចំណាយដើមទុនច្រើនដែរ។