#តំបន់ផាប់ស្ទ្រីត

រដ្ឋបាលរាជធានីភ្នំពេញ បានរៀបចំគម្រោងផ្លូវថ្មើរជើង ដែលមានទំហំ៥៧ហិកតា ក្នុងភូមិសាស្ត្រខណ្ឌដូនពេញ ដែលមានទាំងហាងទំនិញ ភោជនីយដ្ឋាន សណ្ឋាគារ និងបារជាដើម ដោយគម្រោងនេះនឹងរៀបចំឱ្យបានរួចរាល់នៅមុនចូលឆ្នាំសកលឆ្នាំ២០២៥ ខាងមុខនេះ ដើម្បីបម្រើដល់ភ្ញៀវទេសចរជាតិ និងអន្តរជាតិ អាចដើរលេងកម្សាន្តនាពេលរាត្រី។ អ្នកជំនាញក្នុងវិស័យទេសចរណ៍រំពឹងថា ក្រោយគម្រោងផ្លូវថ្មើរជើងនេះដាក់ឱ្យដំណើរការ វានឹងក្លាយជាតំបន់ទេសចរណ៍ដ៏ទាក់ទាញមួយបន្ថែមទៀតសម្រាប់ភ្ញៀវទេសចរបរទេសឱ្យចូលមកកម្សាន្តនៅកម្ពុជា។