#តម្រូវការរបស់កសិករ

តាំងពីមានវិបត្តិកូវីដ១៩មក តម្លៃជី-ថ្នាំកសិកម្មបានកើនឡើងខ្ពស់ជាបន្ដបន្ទាប់ ហើយកើនឡើងកាន់តែខ្ពស់បន្ថែមទៀត ក្រោយផ្ទុះសង្គ្រាមនៅអ៊ុយក្រែន ដែលបានធ្វើឲ្យប៉ះពាល់ដល់ថ្លៃដើមផលិតនៃវិស័យកសិកម្មនៅកម្ពុជា។ ស្របពេលតម្លៃជីថ្នាំកសិកម្មមានការធ្លាក់ចុះ អ្នកជំនាញកសិកម្ម សង្កេតឃើញថា តម្រូវការបញ្ជាទិញជីថ្នាំកសិកម្មរបស់ប្រជាកិសករនៅឆ្នាំនេះក៏មានការថយចុះដូចគ្នាដែរ បើធៀបនឹងតម្រូវការបញ្ជាទិញកាលពីឆ្នាំមុន។ ការធ្លាក់ចុះតម្រូវការជីថ្នាំកសិកម្មនេះត្រូវបានអ្នកជំនាញអះអាងថា គឺបណ្តាលមកពីបញ្ហាការប្រែប្រួលអាកាសធាតុ។