#តុលាការព្រហ្មទណ្ឌអន្តរជាតិ(ICC)

សម្តេចតជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហាញក្តីបារម្ភពីលទ្ធភាព នៃការផ្ទុះសង្គ្រាមនុយក្លេអ៊ែរក្រោយតុលាការព្រហ្មទណ្ឌអន្តរជាតិ(ICC)បានចេញដីកាឲ្យចាប់ខ្លួនលោកប្រធានាធិបតីរុស្ស៊ី វ៉្លាឌីមៀ ពូទីន ក្រោមបទចោទបាននិរទេសកុមារអ៊ុយក្រែន។ ទន្ទឹមនឹងនេះ សម្តេចតេជោ ស្នើឲ្យពិភពលោកមានការប្រុងប្រយ័ត្នចំពោះសង្គ្រាមនុយក្លេអ៊ែរ ស្របពេលសម្តេចចាត់ទុកការចេញដីការបស់ ICC គឺជាការវិវត្តផ្នែកនយោបាយដ៏គួរឲ្យភ្ញាក់ផ្អើល ដែលអាចធ្វើឲ្យប៉ះពាល់ដល់ភូមិសាស្ត្រនយោបាយយ៉ាងទូលំទូលាយនៅក្នុងទ្វីបអឺរ៉ុប និងពិភពលោក។