#វ៉ាក់សាំងកូវីដ១៩ថៃ

ប្រទេសថៃកំពុងជួបព្យុះរលកឆ្លងកូវីដ-១៩ជាលើកទី៣ដែលបានបន្តបោកបក់កាន់តែខ្លាំង មិនទាន់មានភាពធូរស្រាលនៅឡើយទេ ពោលគឺចំនួនអ្នកឆ្លងថ្មីប្រចាំថ្ងៃនៅតែមានរាប់ពាន់នាក់ ហើយអ្នកស្លាប់វិញក៏បន្ដកើនឡើងកាន់តែច្រើនដែរ។ អ្នកជំនាញអះអាងថា ក្រៅតែពីដាក់ចេញវិធានការបន្ទាន់ទប់ស្កាត់ការឆ្លងរីករាលដាលកូវីដ-១៩ហើយនោះ រាជរដ្ឋាភិបាលថៃ ក៏ត្រូវពន្លឿនយុទ្ធនាការចាក់វ៉ាក់សាំងជូនពលរដ្ឋបានលឿនផងដែរ ខណៈដែលបច្ចុប្បន្នក៏មានក្រុមហ៊ុនឯកជនរាប់ពាន់ក្រុមហ៊ុនបង្ហាញពីឆន្ទៈក្នុងការទិញវ៉ាក់សាំងពីរដ្ឋដើម្បីចាក់ជូនបុគ្គលិករបស់ខ្លួនផងដែរ។