កម្ពុជាជាប្រទេសដំបូងគេនៅក្នុងតំបន់អាស៊ីអាគ្នេយ៍ ដែលត្រូវបានដាក់បញ្ចូលជាសមាជិកនៃវេទិកាដឹកជញ្ជូនអន្តរជាតិ ITF
ដោយ
ប្រទេសកម្ពុជាជាប្រទេសតែមួយគត់នៅក្នុងតំបន់អាស៊ីអាគ្នេយ៍ ដែលត្រូវបានដាក់បញ្ចូលជាសមាជិកនៃវេទិកាដឹកជញ្ជូនអន្តរជាតិ ITF (International Transport Forum)។ រដ្ឋមន្រ្តីដឹកជញ្ជូនចំនួន ៦៣ប្រទេសនៃវេទិកាដឹកជញ្ជូនអន្តរជាតិ ITF បានបោះឆ្នោតជាឯកឆន្ទដាក់បញ្ចូលប្រទេសកម្ពុជាជាសមាជិកទី៦៤នៃ ITF នៅក្នុងកិច្ចប្រជុំកំពូលប្រចាំឆ្នាំរបស់ខ្លួននៅទីក្រុងLeipzig (ឡាពហ្សិក) ប្រទេសអាឡឺម៉ង់កាលពីថ្ងៃទី១៩ ខែឧសភា ឆ្នាំ២០២២។ នេះបើយោងតាមក្រសួងសាធារណៈការ និងដឹកជញ្ជូន។