#​វិស័យ​អាកាសចរណ៍

រដ្ឋមន្ត្រីក្រសួងពាណិជ្ជកម្មអាមេរិកបាននិយាយថា រដ្ឋាភិបាលចិនបាននិងកំពុងរារាំងក្រុមហ៊ុនអាកាសចរណ៍ក្នុងស្រុករបស់ខ្លួន មិនឱ្យទិញយន្តហោះប្រភេទ ប៊ូអ៊ីង ផលិតដោយអាមេរិក ដែលមានតម្លៃរាប់សិបពាន់លានដុល្លារនោះឡើយ។ ប្រការនេះ បានធ្វើឲ្យទីក្រុងវ៉ាស៊ីនតោន និយាយតិះតៀន ទៅកាន់ក្រុងប៉េកាំងទៀតថា មិនបានគោរពតាមការប្តេជ្ញាចិត្តក្នុងការទិញទំនិញពីសហរដ្ឋអាមេរិក ដែលបានព្រមព្រៀងកាលពីឆ្នាំ ២០២០ ដែលជាផ្នែកមួយនៃកិច្ចព្រមព្រៀងពាណិជ្ជកម្ម រវាងអាមេរិក និង ចិននោះទេ។ នេះបើយោងតាមការចុះផ្សាយដោយសារព័ត៌មានរ៉យទ័រ។