#វិស័យកសិ-ឧស្សាហកម្ម

កម្មករបម្រើការងារក្នុងវិស័យកសិ-ឧស្សាហកម្ម ចេក និងកៅស៊ូចង់ឱ្យរដ្ឋាភិបាលកំណត់ប្រាក់ខែ និងផ្ដល់អត្ថប្រយោជន៍នានា ដូចអ្នកធ្វើការក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូប។ ការទាមទារនេះ ត្រូវបានមន្រ្តីអង្គការសង្គមស៊ីវិលលើកឡើងថា ដោយសារតែកម្មករនៅក្នុងវិស័យកសិ-ឧស្សាហកម្ម កំពុងត្រូវការការគាំពារពីកម្មវិធីគោលនយោបាយរបស់រាជរដ្ឋាភិបាល ខណៈមន្រ្តីក្រសួងការងារជឿជាក់ថា នៅពេលណាមួយរាជរដ្ឋាភិបាល នឹងគិតគូរដល់អ្នកបម្រើការងារនៅក្នុងវិស័យកសិ-ឧស្សាហកម្ម និងវិស័យផ្សេងៗទៀតដែរ។