#យុទ្ធនាការ​ប្រមូល​ទិញ​ផ្លែ​មៀន​

គិតមកទល់ពេលនេះ មានរយៈពេលជិតកន្លះខែហើយ ដែលរាជរដ្ឋាភិបាលកម្ពុជាបានប្រកាសទិញផ្លែមៀនប៉ៃលិនពីកសិករ ហើយយុទ្ធនាការចុះប្រមូលទិញផ្លែមៀនប៉ៃលិននេះនៅតែបន្ដធ្វើដដែល នៅតាមបណ្ដាខេត្តមួយចំនួន ដូចជា បាត់ដំបង ប៉ៃលិន បន្ទាយមានជ័យ។ យ៉ាងណាមិញ នៅជុំទី១នេះ ក្រុមការងាររបស់រដ្ឋាភិបាល បានចុះប្រមូលទិញផ្លែមៀនពីកសិករផ្ទាល់ជិត ២ពាន់តោន ខណៈដែលយុទ្ធនាការចុះប្រមូលទិញផ្លែមៀនប៉ៃលិន ឬតាង៉ែនពីក្រុមកសិករនៅតែបន្តដដែល ។ ជាទូទៅ ផ្លែមៀនប៉ៃលិន ឬតាង៉ែន ដែលក្រុមកសិករ អាចលក់បានមានតម្លៃចាប់ពី ២ពាន់រៀល ទៅ ២ពាន់៥រយរៀល ក្នុងមួយគីឡូក្រាម។