ទើបតែបើកដំណើរការ បានជិត១ឆ្នាំ ប៉ុណ្ណោះ ខ្សែរថភ្លើងចេញចូលព្រលានយន្ដហោះ ដែលមានផ្លូវដែកពុះកាត់កណ្ដាលទ្រូងថ្នល់ ប្លែក និងដំបូងគេនៅកម្ពុជានោះ គេសង្កេតឃើញថា នៅមួយរយៈចុងក្រោយនេះ កំពុងស្ថិតនៅក្នុងភាពឯកោ ពោលគឺមិនសូវមានអ្នកធ្វើដំណើរដូចកាលពីគ្រាបើកដាក់ឲ្យដំណើរការដំបូងនោះឡើយ។
ជាក់ស្តែង កាលពីពាក់កណ្ដាល ខែមករា ឆ្នាំ២០១៩ កន្លងទៅ ក្រុមការងាររបស់សារព័ត៌មានអេឡិចត្រូនិចខេមបូណូមីស បានធ្វើដំណើរដោយផ្ទាល់តាមរថភ្លើងទៅកាន់អាកាសយានដ្ឋានអន្តរជាតិភ្នំពេញ និងបានអង្កេតឃើញថា ពិតជាមិនមានសូវមានពលរដ្ឋធ្វើដំណើរតាមរថភ្លើងនោះទេ ដោយក្នុងថ្ងៃនោះ មានអ្នកដំណើរតែ ៨នាក់ប៉ុណ្ណោះ សុទ្ធសឹងតែជាជនបរទេស ខណៈដែលទូរថភ្លើងមួយ ទូអាចផ្ទុកអ្នកដំណើរបានដល់ទៅ ១០០នាក់ ឯណោះ។ សូមអញ្ជើញទស្សនា វីដេអូ ខាងលើ!!!
