[Video] ចិញ្ចឹមទន្សាយលក់រកបានចំណូលខ្ទង់ពាន់ដុល្លារ

នៅភូមិព្រែកតាឡុង សង្កាត់ចាក់អង្រែក្រោមខណ្ឌមានជ័យរាជធានីភ្នំពេញ មានកសិដ្ឋានចិញ្ចឹមទន្សាយលក្ខណៈគ្រួសារមួយ ដែលបានដំណើរការអស់រយៈពេល១០ឆ្នាំមកហើយ។

លោក ស្រេង សុវណ្ណារិន ម្ចាស់កសិដ្ឋានចិញ្ចឹមសត្វទន្សាយខាងលើ បានឲ្យដឹងថា របរចិញ្ចឹមទន្សាយបានផ្តល់ចំណូលដល់គ្រួសាររបស់លោក ចន្លោះពី ៥០០ដុល្លារ ដល់ ៣ពាន់ដុល្លារនៅក្នុងមួយខែ ខណៈដែលប្រជាជនជាទូទៅមិនសូវបានដឹងពីរបរមួយនេះឡើយ។

លោកបញ្ជាក់យ៉ាងដូច្នេះថា៖ «ទន្សាយមានពូជសាច់ និងពូជស្អាតគេទិញយកចិញ្ចឹម។ ពូជសាច់ក្នុងមួយគីឡូក្រាមមានតម្លៃ ២០ដុល្លារ។ ចំណែកពូជស្អាត គេទិញយកចិញ្ចឹម ខ្ញុំលក់មួយក្បាលមានតម្លៃ ៨ដុល្លារឡើងទៅ ដែលមានវាមានអាយុ ១ខែកន្លះ»។