[វីដេអូ] ហេតុអ្វីធនាគារអេស៊ីលីដាទើបតែសម្រេចចិត្តចូលផ្សារភាគហ៊ុននៅឆ្នាំ២០២០នេះ?

ធនាគារអេស៊ីលីដា ដែលជាធនាគារពាណិជ្ជ​ធំជាងគេមួយនៅកម្ពុជា បានប្រកាសថា​ នៅមុនខែមេសា​ឆ្នាំ២០២០នេះ ធនាគារ​នេះ នឹង​បោះផ្សាយ​លក់មូលបត្រកម្មសិទ្ធិ​ ឬបណ្ណភាគហ៊ុន​របស់ខ្លួន នៅក្នុង​ផ្សារមូលបត្រ​កម្ពុជា​។ វត្តមាន របស់ធនាគារ​អេស៊ី​លីដានៅក្នុង​ផ្សារមូលបត្រ​កម្ពុជានេះ ត្រូវបាន​គេមើលឃើញថា នឹង​ធ្វើឲ្យ​វិស័យ​ផ្សារភាគហ៊ុន​កម្ពុជា​នឹងកាន់តែមានការ​រីកចម្រើន​ថែមមួយកម្រិតទៀត។

នៅឆ្នាំ២០២០នេះ ធនាគារអេស៊ីលីដា នឹងបើកនូវសករាជថ្មីរបស់ខ្លួនក្នុងវិថីហិរញ្ញវត្ថុនៅកម្ពុជា ហើយក៏ត្រូវបានគេមើលឃើញថា នឹងអាចក្លាយជាធនាគារគំរូមួយផងដែរ ក្នុងការបោះជំហានជើងចូលក្នុងទីផ្សារភាគហ៊ុននៅក្នុងពេលឆាប់ៗដ៏ខ្លីខាងមុខនេះ។ ស្របពេលដែល ធនាគារដ៏ធំមួយនេះ នឹងបោះផ្សាយលក់ភាគហ៊ុននោះ ប្រាក់ចំណេញរបស់ធនាគារអេស៊ីលីដា ក៏ត្រូវបានរំពឹងដែរថា នឹងហក់កើនឡើងលើស ១០០លានដុល្លារអាមេរិកនៅឆ្នាំ២០២០។ នេះបើតាមការអះអាងរបស់ថ្នាក់ដឹកនាំជាន់ខ្ពស់របស់ធនាគារ ដែលប្រាប់សារព័ត៌មានខេមបូណូមីសនាពេលថ្មីៗនេះ។