៤ឆ្នាំកន្លងមកនេះ កម្ពុជាគ្មានឧបសគ្គឡើយសម្រាប់ការបើករបំាងពន្ធគយរវាងអាស៊ាន

ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មបានមានប្រសាសន៍ថា ការបើករបាំងពន្ធ​គយនេះ គឺជាកាតព្វកិច្ចរបស់ប្រទេសអាស៊ាន ហើយការអនុវត្តចាប់ផ្តើម រហូតមកទល់ពេលបច្ចុប្បន្ននេះ​ ការបើកច្រករបាំងពន្ធគយ មិនមានឧបសគ្គនោះទេសម្រាប់កម្ពុជា។

សូមជម្រាបថា ការបើករបាំងពន្ធគយនៃបណ្តាប្រទេសអាស៊ានចាប់ផ្តើមអនុវត្តន៍តាំង​ពីឆ្នាំ​២០១៥ មកម្ល៉េះ ហើយរវាងប្រទេសនៅក្នុងតំបន់ សម្រាប់រយៈពេលថ្មីៗនេះ កម្ពុជាក៏បានចុះអនុ​ស្សរណៈយោគយល់គ្នា ក្នុងការកំណត់របាំងពន្ធគយ ដែលនឹងមិនត្រូវបានយកពន្ធ ជាន់គ្នា​ជាមួយនឹងប្រទេសវៀតណាមរួចហើយដែរ។

ដើម្បីធ្វើឲ្យកាន់តែប្រសើរនៅក្នុងវិស័យពាណិជ្ជកម្ម រដ្ឋមន្រ្តីក្រសួងពាណិជ្ជកម្មក៏​បានអះអាង​ពីជំហររបស់ខ្លួនក្នុងការបន្តអនុវត្តគោលនយោបាយ​​កម្មវិធីកំណែទំរង់របស់រាជរដ្ឋាភិបាលលើ​វិស័យ​ពាណិជ្ជកម្ម ដែលនៅនឹងចាប់ផ្តើមធ្វើពិពិធកម្ម​ការនាំចេញផលិតផល និងទំនិញ​អាទិភាព​​​ដែលបានកំណត់នៅក្នុងយុទ្ធសាស្រ្ត ស្វែង​រក​ទីផ្សារ​ថ្មីៗសម្រាប់ប្រជាកសិករ និងបន្ត​ពិនិតលទ្ធភាពចរចារទីផ្សារសេរីទ្វេរភាគី និងពហុភាគី​ផង៕