គួរអានអត្ថបទទាំងនេះផង !
លោកវេជ្ជបណ្ឌិត គួច ម៉េងលី ប្រធានក្រុមប្រឹក្សាភិបាល និងជាអគ្គនាយកប្រតិបត្តិក្រុមហ៊ុន Mengly J. Quach Group បានប្រកាសឈប់ទទួលខុសត្រូវចំពោះគេហទំព័រសារព័ត៌មាន ថ្មីៗ ដ៏ល្បី ពីថ្ងៃទី១ ខែមេសា នេះតទៅ។ នេះបើយោងតាមប្រកាសព័ត៌មានពីក្រុមហ៊ុន Mengly J. Quach Group ចេញថ្ងៃទី១០ ខែមេសា។
លោកឧកញ៉ា គួច ម៉េងលី បញ្ជាក់នៅក្នុងប្រកាសព័ត៌មានថា លោកបានផ្ទេរកម្មសិទ្ធិភាគហ៊ុន និងបានលាលែងពីតំណែងប្រធានក្រុមប្រឹក្សាភិបាលរបស់គេហទំព័រថ្មីៗហើយ ប៉ុន្តែ លោកមិនបានផ្ដល់ហេតុផលលម្អិតជុំវិញការលាលែងនេះទេ។
សូមបញ្ជាក់ថា គេហទំព័រ ថ្មីៗ ជាគេហទំព័រព័ត៌មានល្បីមួយ ដែលប្រមូលផ្ដុំដោយអ្នកកាសែតល្បីៗ និងផ្សាយព័ត៌មានដ៏សម្បូរបែប។
លោកឧកញ៉ា វេជ្ជបណ្ឌិត គួច ម៉េងលី ជាពលរដ្ឋអាមេរិកាំងដើមកំណើតខ្មែរ។ លោកជាស្ថាបនិកនិងជាអគ្គនាយកប្រតិបត្តិក្រុមហ៊ុន ម៉េងលី ជេ. គួច គ្រុប (Mengly J. Quach Group) ដែលវិនិយោគលើវិស័យអប់រំនៅប្រទេសកម្ពុជា។ លោកមានសាលា AIS និងវិទ្យាស្ថាន AII ព្រមទាំងក្រុមហ៊ុនមួយចំនួនទៀត៕
