ខឹង​គ្មាន​អ្នកស្ដាប់គាត់និយាយ នាយករដ្ឋមន្ត្រីថៃដើរចេញពី​កិច្ច​ពិភាក្សា​ក្នុងរដ្ឋសភា

សារព័ត៌មាន PBS ថៃ បាន​ផ្សាយ​ថា ហេតុការណ៍​នេះ​បាន​កើតឡើង​កាលពី​រសៀល​ថ្ងៃទី១៨ ខែកុម្ភៈ ខណៈ​ដែល​នាយករដ្ឋមន្ត្រី​ថៃ​ លោក ប្រាយុត ចាន់អូចា បាននិង​កំពុង​ពន្យល់​អង្គប្រជុំ​អំពី​គម្រោង​តំបន់​សេដ្ឋកិច្ច​ភាគខាងត្បូង​ប្រទេសថៃ ជាផ្នែកនៃដំណើរការសួរដេញដោលអំពីគម្រោងនេះ ។ 

ដោយ​ចោទប្រកាន់ថា ពុំមាន​អ្នកស្ដាប់គាត់និយាយ លោក ប្រាយុត បាន​បញ្ចប់​សុន្ទរកថា​របស់លោក​ដោយ​កំបុត និងដើរ​ចេញ​ពីកិច្ច​ពិភាក្សា​នោះ​តែម្ដង ។ 

លោក ប្រាយុត ត្រូវគេ​រាយការណ៍ថា បាននិយាយយ៉ាងដូច្នេះ «ខ្ញុំគិតថា ខ្ញុំ​ឈប់និយាយត្រឹមនេះចុះ ពីព្រោះ​គ្មាន​អ្នកណាស្ដាប់ទេ មានតែអ្នកសើច ។ ប៉ុណ្ណឹងបានហើយ អរគុណ ៕