​ ខេមបូណូមីស

ភាពមិនច្បាស់លាស់ផ្នែកភូមិសាស្ត្រនយោបាយដែលបង្កឡើងដោយគោលនយោបាយគាំពារនិយម "America First" ឬ “គោលនយោបាយតម្កល់ផលប្រយោជន៍អាម៉េរិកជាធំ” របស់ប្រធានាធិបតីអាម៉េរិកលោក ដូណាល់ ត្រាំ បានរុញច្រានឱ្យរដ្ឋមន្ត្រីការបរទេសជប៉ុន ចិន និងកូរ៉េខាងត្បូង ស្កាត់ជួបគ្នាកាលពីចុងសប្តាហ៍មុន ដើម្បីពង្រឹងកិច្ចសហប្រតិបត្តិការសេដ្ឋកិច្ច ហើយជំនួបត្រីភាគីនេះត្រូវបានក្រុមអ្នកជំនាញមើលឃើញថា ជារបត់ភូមិសាស្ត្រនយោបាយដ៏គូរឱ្យភ្ញាក់ផ្អើលមិនធ្លាប់មានជាប្រវត្តិសាស្ត្រ។ នេះបើយោងតាមការចុះផ្សាយរបស់សារព័ត៌មាន នីកេ អេស៊ា។