​ ខេមបូណូមីស

លោក ប៊ុនស៊ីន ផាតឃ្លាំង (Boonsin Phadklang) មេយោធភូមិភាគទី២របស់ថៃ បានផ្តល់គំនិតពីរដល់រដ្ឋាភិបាលថៃ ក្នុងការដណ្ដើមយកប្រាសាទព្រះវិហារពីកម្ពុជា ត្រឡប់មកវិញ ក្នុងនោះលោកឱ្យរដ្ឋាភិបាលដាក់ពាក្យបណ្ដឹងជំទាស់សាលក្រមរបស់តុលាការយុត្តិធម៌អន្តរជាតិ (ICJ) និងវិធីសាស្ត្រមួយទៀត គឺប្រើកម្លាំងយោធាវាយដណ្ដើមយកតែម្ដង។ អ្នកជំនាញច្បាប់ និងអ្នកតាមដានស្ថានការណ៍សង្គមបានប្រៀបធៀបការលើកឡើងរបស់មេភូមិភាគទី២ថៃ នេះថា ជាការដេកយល់សប្តិទាំងកណ្ដាលថ្ងៃ ដែលចង់បានទឹកដីខ្មែរភ្លេចអស់នូវគោលការណ៍ច្បាប់ និងសន្ធិសញ្ញាអន្តរជាតិ។