​ ខេមបូណូមីស

ការដោះដូរពាណិជ្ជកម្មរបស់កម្ពុជា ជាមួយប្រទេសចិន នៅត្រីមាសទី១ ឆ្នាំ២០២៥ នេះសម្រេចបានទំហំជាង៤ពាន់លានដុល្លារ កើនឡើងជាង២៦% បើធៀបនឹងឆ្នាំ២០២៤។ នៅក្នុងរយៈពេលដូចគ្នានេះ កម្ពុជា ទទួលបានគម្រោងវិនិយោគចំនួន១៧២ ជាមួយទុនវិនិយោគសរុបប្រមាណ២,៥ពាន់លានដុល្លារអាម៉េរិក ដែលភាគច្រើនជាការវិនិយោគរបស់ចិន។ តាមរយៈគម្រោងវិនិយោគនេះ អ្នកជំនាញជឿជាក់ថា ការធ្វើពាណិជ្ជកម្មទ្វេភាគីរវាងប្រទេសទាំងពីរនឹងនៅតែមានភាពល្អប្រសើរ ទោះសេដ្ឋកិច្ចពិភពលោកកំពុងរងការគំរាមកំហែងពីការដំឡើងពន្ធដាក់គ្នាទៅវិញទៅមករវាងអាម៉េរិក និងចិន ក៏ដោយ។