​ ខេមបូណូមីស

មូលនិធិរូបិយវត្ថុអន្តរជាតិ ហៅកាត់ថា IMF បានអះអាងថា កំណើនសេដ្ឋកិច្ចកម្ពុជា នៅក្នុងឆ្នាំ២០២៥នេះ អាចប្រសើរជាងកាលពីឆ្នាំ២០២៤ តិចតួចប៉ុណ្ណោះ ពោលគឺ នឹងមានក្នុងរង្វង់ ៥,៨% ប៉ុន្តែ អត្រាអតិផរណាវិញ អាចនឹងកើនឡើងដល់ ២%។ ទន្ទឹមនឹងនេះ IMF ក៏បានព្រមានអំពីហានិភ័យមួយចំនួន ដែលកម្ពុជា គួរប្រុងប្រយ័ត្នទាំងកត្តាខាងក្នុងប្រទេស និងខាងក្រៅប្រទេសផងដែរ។ នេះបើតាមការវាយតម្លៃរបស់ក្រុមប្រឹក្សាប្រតិបត្តិនៃ IMF ដែលបានបញ្ចប់ការពិគ្រោះជាមួយកម្ពុជា និងបានចេញផ្សាយនៅលើគេហទំព័ររបស់ខ្លួនក្នុងសប្ដាហ៍នេះ។