​ ខេមបូណូមីស

វិស័យចិញ្ចឹមសត្វនៅកម្ពុជា មានការរីកចម្រើនគួរឱ្យកត់សម្គាល់នៅមួយរយៈពេលចុងក្រោយនេះ ប៉ុន្តែវិស័យនេះនៅតែជួបបញ្ហាប្រឈមមួយចំនួន ដូចជាតម្លៃមិនមានស្ថិរភាព និងការរាតត្បាលជំងឺឆ្លងជាដើម។ ជាក់ស្តែងនៅក្នុងអំឡុងពេលតម្លៃសត្វជ្រូករស់ធ្លាក់ថ្លៃខ្លាំងកាលពីដើមឆ្នាំ២០២៤ បានជំរុញឱ្យកសិករចិញ្ចឹមជ្រូកខ្នាតតូចជាច្រើនបានបោះបង់ការចិញ្ចឹម ដោយសារមិនអាចទ្រាំទ្រនឹងការខាតបាន។ យ៉ាងណាមិញ អ្នកជំនាញក្នុងវិស័យចិញ្ចឹមជ្រូក លើកទឹកចិត្តឱ្យកសិករចិញ្ចឹមជ្រូកខ្នាតតូចចងក្រងជាសហគមន៍ បើចង់បន្តអាជីពរបស់ខ្លួន និងដើម្បីទប់ទល់នឹងហានិភ័យទីផ្សារ។