​ ខេមបូណូមីស

ក្រោយគណបក្សភឿថៃ បាត់បង់នាយករដ្ឋមន្រ្តី២រូបក្នុងអំឡុងពេលនៃការកាន់អំណាចប្រមាណជា២ឆ្នាំ បច្ចុប្បន្នគណបក្សនេះកំពុងស្វះស្វែងរកការគាំទ្របេក្ខជននាយករដ្ឋមន្រ្តីថ្មីមួយរូបទៀត គឺលោក ឆៃកាសេម និធិស៊ីរី (Chaikasem Nitisiri) ដែលគេដឹងថា ជាអ្នកនយោបាយចាស់ទុំ ហើយមានទំនាក់ទំនង និងភក្តីភាពល្អជាមួយលោក ថាក់ស៊ីន ស៊ីណាវ៉ាត្រា។ ដើម្បីទទួលបានតំណែងនេះ គណបក្សភឿថៃ ដាច់ខាតត្រូវការគាំទ្រពីគណបក្សប្រជាជនថៃ ពីព្រោះគណបក្សភូមិចៃថៃ ដែលធ្លាប់ចូលរួមសម្ពន្ធភាព ក៏បានដាក់បេក្ខភាពនាយករដ្ឋមន្រ្តីប្រជែងនឹងបក្សភឿថៃ ផងដែរ។