​ ខេមបូណូមីស

នៅទីបំផុតប្រធានាធិបតីកូរ៉េខាងត្បូង លោក យូន ស៊ុកយុល (Yoon Suk Yeol) នៅតែគេចមិនផុតពីជោគវាសនាអាក្រក់ ដោយតំណែងរបស់លោកនៅពេលនេះត្រូវបានព្យួរ និងមានអ្នកចូលកាន់ជំនួសជាបណ្ដោះអាសន្ន ហើយរង់ចាំតែការសម្រេចផ្ដាច់ព្រ័ត្រដោយតុលាការធម្មនុញ្ញប៉ុណ្ណោះ ក្រោយពីសភាកូរ៉េខាងត្បូង បានបោះឆ្នោតដោយសំឡេងច្រើនលើសលប់ចោទប្រកាន់លោកជាផ្លូវការ ចំពោះការប្រកាសដាក់ប្រទេសក្នុងគ្រាអាសន្នក្រោមច្បាប់អាជ្ញាសឹក ដែលបានបង្កការភ្ញាក់ផ្អើលពេញប្រទេស និងពិភពលោកទាំងមូលកាលពីពេលថ្មីៗនេះ។ នេះបើយោងតាមការចុះផ្សាយរបស់សារព័ត៌មាន នីកេ អេស៊ា។