​ ខេមបូណូមីស

រុស្ស៊ី ដែលបានវាយចូលឈ្លានពានអ៊ុយក្រែន តាំងពីថ្ងៃទី២៤ ខែកុម្ភៈ ឆ្នាំ២០២២ នៅតែបន្តវាយប្រហារឥតស្រាកស្រាន្តលើអ៊ុយក្រែន ដែលបញ្ហានេះកំពុងទាក់ទាញទណ្ឌកម្មពីលោកខាងលិច។ ជាក់ស្តែងកាលពីពេលថ្មីៗនេះ សហភាពអឺរ៉ុប និងសហរដ្ឋអាម៉រិក បានព្រួតគ្នាដាក់ទណ្ឌកម្មថ្មីលើរុស្ស៊ីបន្ថែមទៀត ដើម្បីបង្ខំឲ្យទីក្រុងមូស្គូ ទទួលយកបទឈប់បាញ់នៅអ៊ុយក្រែន។ ការដាក់កញ្ចប់ទណ្ឌកម្មថ្មីនេះធ្វើឡើងក្រោយលោក ដូណាល់ ត្រាំ បានលុបចោលជំនួបកំពូលជាមួយមេដឹកនាំរុស្ស៊ី លោក វ្ល៉ាឌីមៀ ពូទីន នៅប្រទេសហុងគ្រី។