​ ខេមបូណូមីស

ចលនាធ្វើពហិការមិនប្រើប្រាស់ផលិតផលថៃ របស់ពលរដ្ឋខ្មែរ មានការផុសផុលគួរឱ្យកត់សម្គាល់ តែក៏នៅមានប្រជាពលរដ្ឋមួយចំនួននៅតែបន្តប្រើប្រាស់ផលិតផលរបស់ថៃ ផងដែរ។ កត្តានេះបានជំរុញឱ្យក្រុមអ្នកជំនាញសេដ្ឋកិច្ច ស្នើឱ្យប្រជាពលរដ្ឋខ្មែរនាំគ្នាធ្វើពហិការបន្ថែមទៀត ដើម្បីដាក់សម្ពាធលើសេដ្ឋកិច្ចរបស់ថៃ។ សម្រាប់អ្នកជំនាញ ការធ្វើបែបនេះវាជាវិធីសាស្រ្តដ៏មានប្រសិទ្ធភាពមួយ ដែលអាចធ្វើឱ្យសេដ្ឋកិច្ចថៃ រងការរង្គោះរង្គើ ដែលអាចរំខានដល់ការទិញសព្វាវុធទំនើបៗយកមកឈ្លានពានលើកម្ពុជា។