កសិកម្ម

តម្លៃម្រេច ដែលបានដាំដុះ នៅតាមបណ្ដាខេត្តមួយចំនួន ដូចជាកំពង់ចាម ត្បូងឃ្មុំ រតនគិរី ជាដើម ហាក់មានការឡើងថ្លៃខ្ពស់ជាងមុន គួរឲ្យកត់សម្គាល់ ដែលប្រមាណជា ២សប្ដាហ៍មកនេះ តម្លៃម្រេចបានហក់ឡើងថ្លៃខ្ពស់បំផុតដល់ទៅជាង ១១.០០០ រៀល ក្នុងមួយគីឡូក្រាម ខណៈដែលពីមុនមានតម្លៃតែប្រមាណជាង ៦ពាន់ ទៅជាង ៧ពាន់រៀលប៉ុណ្ណោះក្នុងមួយគីឡូក្រាម។ នេះបើតាមការអះអាងរបស់ឈ្មួញទិញម្រេច និងមន្ត្រីនាំពាក្យរបស់ក្រសួងពាណិជ្ជកម្ម។