Latest

ការសាងសង់អាកាសយានដ្ឋានអន្តរជាតិ ឡុងថាញ់ ដែលជាអាកាសយានដ្ឋានធំបំផុតក្នុងប្រវត្តិសាស្ត្រវៀតណាម កំពុងជួបវិបត្តិខ្វះខាតកម្លាំងពលកម្មធ្ងន់ធ្ងររហូតដល់ជិត៦,០០០នាក់ និងសម្ភារសំណង់ឡើងថ្លៃខ្ពស់។ បញ្ហានេះកំពុងបង្កជាក្តីបារម្ភថា គម្រោងដែលមានតម្លៃជិត១៣ពាន់លានដុល្លារមួយនេះទំនងជាមិនអាចបើកទ្វារស្វាគមន៍ជើងហោះហើរពាណិជ្ជកម្មដំបូងនៅចុងឆ្នាំ២០២៦ ដូចការគ្រោងទុកនោះទេ។ សាជីវកម្មអាកាសយានដ្ឋានវៀតណាម (ACV) បានព្រមានថា ប្រសិនបើគ្មានដំណោះស្រាយបន្ទាន់ទេ នោះការសាងសង់ទាំងមូលនឹងត្រូវជាប់គាំងដំណើរការ។