Latest

បើទោះបីវិបត្តិសេដ្ឋកិច្ចសកលនៅបន្តស្ថិតក្នុងភាពមិនទាន់មានភាពច្បាស់លាស់នៃការងើបឡើងវិញក្តី តែការនាំចេញទំនិញរបស់កម្ពុជា ទៅកាន់ទីផ្សារអន្តរជាតិ និងតំបន់ ហាក់បង្ហាញស្ទុះងើបឡើងវិញគួរឱ្យកត់សម្គាល់។ ជាក់ស្តែងនៅត្រីមាសទី១ឆ្នាំ២០២៤ នេះ ការនាំចេញរបស់កម្ពុជា ទៅកាន់ប្រទេសក្រោមកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) សម្រេចបានទឹកប្រាក់ជិត២ពាន់៧រយលានដុល្លារកើនឡើងជាង២៥% បើធៀបនឹងរយៈពេលដូចគ្នាកាលពីឆ្នាំមុន។